Stjórnarmenn Manchester City eru öruggir um að Pep Guardiola verði hliðhollur félaginu þrátt fyrir dóm UEFA. UEFA hefur sett City í tveggja ára bann frá Meistaradeild Evrópu.
City braut fjárhagsreglur og var dómur UEFA kveðinn upp á föstudag, City mun áfrýja dómnum.
Guardiola á ár eftir af samningi en verði City ekki í Meistaradeildinni á næstu leiktíð, telja margir að hann hoppi frá borði. City telur svo ekki vera.
City er einnig öruggt á því að leikmenn félagsins haldi tryggð við félagið, þrátt fyrir allt. Raheem Sterling ætlar að taka slaginn með liðinu.
,,Raheem er bara að hugsa um Manchester City og mun ekki láta þessar sögur trufla sig,“ sagði Aidy Ward, umboðsmaður hans.