Jerome Boateng hefur ekkert á móti því að snúa aftur í landsliðið ef hann fær kallið.
Joachim Low, landsliðsþjálfari, gaf það út eftir HM 2018 að Boateng, Thomas Muller og Mats Hummels yrðu ekki kallaðir í liðið vegna aldurs.
Boateng er þó opinn fyrir því að snúa aftur ef Low ákveður að breyta um skoðun.
,,Ég held að landsliðsþjálfarinn hafi gefið það skýrt út að hann vilji fara á EM með unga leikmenn. Það verður að virða það,“ sagði Boateng.
,,Þú veist samt aldrei hvað gerist í fótboltanum. Ef það kemur upp tækifæri í framtíðinni þá hef ég ekkert á móti því.“