Paul Pogba miðjumaður Manchester United fékk þau skilaboð að hann þyrfti ekki að mæta í æfingaferð félagsins. Óvíst er hvenær eða hvort hann leiki aftur fyrir féagið.
Ole Gunnar Solskjær fer með sína leikmenn til Marbella á morgun í stutta æfingaferð, leikmenn félagsins hafa verið í fríi síðustu daga.
Pogba er að jafna sig eftir meiðsli á ökkla, Solskjær sagði að Pogba yrði frá í 3-4 vikur eftir litla aðgerð. Síðan eru liðnar sex vikur en Pogba hefur nánast ekkert spilað á þessu tímabili. Scott McTominay verður einnig í Manchester í meðhöndlun.
Ensk blöð segja að United sé búið að láta Mino Raiola vita að Pogba geti farið næsta sumar, ef félagið fær 150 milljónir punda í sinn vasa.
United borgaði 89 milljónir punda fyrir Pogba árið 2016 en verð á leikmönnm hefur hækkað síðan. United vildi 180 milljónir punda síðasta sumar en lækka verðmiðann og vilja nú 24,5 milljarð, íslenskra króna.
