Tottenham telur að Gareth Bale gæti endað hjá félaginu í dag á lokadegi félagaskiptagluggans. Times segir frá.

Tottenham er í viðræðum við Real Madrid en Times segir að Daniel Levy hafi farið til Spánar til að sannfæra Florentino Perez um að fá Bale.

Ekki kemur fram hvort Bale kæmi á láni eða Tottenham myndi kaupa hann.

Bale fór frá Tottenham til Real Madrid árið 2013 fyrir 85 milljónir punda en hann þénar 500 þúsund pund á viku í dag.

Sá samningur sem Bale er á er stærsta ástæða þess að hann er enn í herbúðum Real Madrid en Zinedine Zidane hefur viljað losna við hann.