Bruno Fernandes brotnaði niður þegar hann var að kveðja stuðningsmenn Sporting í viðtali í gær.

Fernandes kom til Manchester seint í gærkvöldi og mun í dag fara í læknisskoðun og skrifa undir samning.

United samdi um kaupverðið við Sporting Lisbon í gær og greiðir félagið 46,6 milljónir punda til að byrja. Líklega hækkar sú tala um 8,5 milljónir punda en einnig er klásúla um 12,7 milljónir punda ef United vinnur stóra titla, eins og Meistaradeildina.

,,Ég hef farið í gegnum margt jákvætt og neikvætt. Þetta voru mikilvæg augnablik á mínum ferli, ég vona að fólk muni eftir því jákvæða. Ég mun hugsa um þennan tíma hjá Sporting sem jákvæðan kafla í mínu lífi,“ sagði Fernandes grátandi, þegar hann fór í sitt síðasta viðtal sem leikmaður Sporting.

,,Ég og fjölskylda mín fengum alltaf góðar móttökur, við fengum mikla ást. Ég verð að þakka fyrir þessi ár, ég vona að fólk haldi í góðar minningar og ég mun alltaf elska ykkur.“

Viðtalið við Bruno er hér að neðan.