Knattspyrnusambandið í Kína hefur ákveðið að fresta leik í deildarkeppni þar í landi og ekki hefur verið ákveðið hvenær leikar hefjast.

Ástæðan eru Kórónaveiran sem hefur þegar orðið rúmlega 130 einstaklingum að bana og að minnsta kosti 6.000 hafa veikst af völdum hennar. Sérfræðingar telja að veiran muni halda áfram að valda usla næstu mánuði og telja að enn séu að minnsta kosti átta vikur þar til hægt verður að hefja prófanir á hugsanlegu bóluefni gegn veirunni.

Mikill viðbúnaður er í Kína þar sem veiran á upptök sín en hún dreifist hratt á milli manna og telja sérfræðingar að hún nálgist nú Ísland.

Nokkrar stjörnur úr ensku úrvalsdeidinni leika í Kína en þar má nefna Marouane Fellaini, Marko Arnautovic, Paulinho, Mousa Dembele, Odion Ighalo, Salomon Rondon og Oscar. Sagt er að margir af þeim reyni nú að finna sér nýtt félag til að losna frá Kína vegna ástandsins.