Það voru harkaleg rifrildi á æfingasvæði Tottenham eftir helgi samkvæmt enskum miðlum.

Rifrildið er sagt hafa verið á milli Jose Mourinho og Danny Rose en um er að ræða stjóra liðsins og leikmann.

Rose ku hafa verið reiður á æfingu á mánudaginn eftir að hafa verið bekkjaður gegn Watford um helgina.

Rose var heill heilsu og var ekki ánægður með ákvörðun Mourinho þegar kom að liðsuppstillingunni.

Daily Mail segir að það hafi verið öskrað á æfingunni og að spennan hafi verið töluverð.

Einnig er sagt að aðrir leikmenn Tottenham hafi ekki verið ánægðir með framkomu Rose sem gerði úlfalda úr mýflugu.