Joshua Kimmich, leikmaður Bayern Munchen, heimtar að félagið styrki sig í janúarglugganum.
Samkvæmt Kimmich er hópur Bayern ekki nógu stór en margir eru frá vegna meiðsla þessa stundina.
,,Í æfingabúðunum í Doha þá sáum við að við erum aðeins með 12 eða 13 atvinnumenn og restin eru unglingar,“ sagði Kimmich.
,,Við erum búnir að fylla pláss unglingana. Það var ekki staðan þegar ég samdi við félagið.“
,,Við erum með marga meidda leikmenn. Serge Gnabry gat ekki æft og Robert Lewandowski og Kingsley Coman snúa aftur bráðlega.“
,,Javi Martinez fann til og Niklas Sule og Lucas Hernandez verða frá í smá tíma. Félagið veit það og þarf að taka ákvörðun. Hópurinn er ekki nógu stór í dag.“
