Pierre-Emerick Aubameyang, stjarna Arsenal, verður ekki með liðinu í stórleiknum gegn Chelsea.
Aubameyang fékk rautt spjald í gær er Arsenal gerði 1-1 jafntefli við Crystal Palace.
Aubameyang braut ansi illa af sér í seinni hálfleik og fór með takkana í ökkla Max Meyer.
Hann fékk að launum verðskuldað rautt spjald og missir af næstu þremur leikjum liðsins.
Einn af þeim er gegn grönnunum í Chelsea og ljóst er að hans verður sárt saknað í þeim leik.
