Georginio Wijnaldum, leikmaður Liverpool, ræddi við Jurgen Klopp, stjóra liðsins, um varnarmanninn Virgil van Dijk áður en hann skrifaði undir hjá félaginu.
Wijnaldum greindi frá þessu í gær en miðjumaðurinn kom til stórliðsins frá Newcastle.
Þeir eru samherjar í hollenska landsliðinu og ákvað Klopp að leita ráða hjá Wijnaldum.
,,Áður en ég samdi við Liverpool þá fundaði ég með Jurgen og hann spurði mig um Van Dijk,“ sagði Wijnaldum.
,,Virgil hefur alltaf verið ofarelega hjá mér og ég sagði Jurgen að hann myndi styrkja vörnina verulega.“
,,Það kom ekki á óvart þegar hann var valinn bestur hjá UEFA á undan Lionel Messi og Cristiano Ronaldo. Ég bjóst við að hann myndi vinna.“