Ragnar Sigurðsson, leikmaður Íslands, er spenntur fyrir komandi verkefni í undankeppni EM.

Ragnar ræddi við 433.is í gær og fór einnig aðeins stöðu sína hjá Krasnodar í rússnensku úrvalsdeildinni.

Ragnar er orðinn fyrirliði Krasnodar sem er um þessar mundir eitt sterkasta lið Rússlands.

,,Það er fínt, það hefur ekki mikið breyst þannig séð en okkur gengur vel í augnablikinu og það er alltaf gaman,“ sagði Ragnar.

,,Jújú þannig séð[að það fylgi því ábyrgð að fá bandið] en það breytist ekkert á vellinum, ég spila ennþá minn sama stíl en þetta er meira utan vallar sem kemur meiri ábyrgð.“

,,Ég lít á þessa leiki sem við verðum að vinna til að halda okkur á toppnum í riðlinum.“

,,Við þurfum að taka þessa leiki, ég segi ekki skyldisigur þetta eru góð lið og maður ætlar að eiga efni á að tapa stigum gegn góðu liðunum þarf maður að taka þessa leiki.“

,,Sérstaklega með góðan stuðning og þegar liðið spilar vel þá er þetta erfiður völlur að koma á.“