Óskar Hrafn Þorvaldsson, þjálfari Gróttu, var að vonum kátur í kvöld eftir sigur liðsins á Haukum, 4-0.
Grótta er búið að tryggja sæti sitt í efstu deild fyrir næsta tímabil sem er algjörlega magnaður árangur.
,,Ég væri að ljúga að þér ef ég myndi segja að ég hefði búist við því að vera í þessari stöðu þegar síðasti leikurinn væri að renna sitt skeið á enda,“ sagði Óskar.
,,Ég á ekkert annað orð yfir þetta en það er meiriháttar gaman fyrir þetta lið að vinna þessa deild. Við vorum í öðru sæti í fyrra og unnum Inkasso núna.“
,,Ég á ekki lýsingarorðin yfir hversu stoltur ég er af þessu liði mínu og öllum þeim sem starfa í kringum þetta.“
,,Auðvitað er gaman að sjá eitthvað heppnast. Þegar þú leggur af stað með hugmyndir og sjá þær ganga upp, það er gríðarlega dýrmætt.“
,,Ég veit ekkert hvað bíður þessa liðs í Pepsi-deildinni. Ég átta mig ekki á því fyrr en maður stendur í skýlinu á móti Rúnari Kristinssyni, Heimi Guðjónssyni eða Ólafi Kristjánssyni.“
Verður Óskar áfram með Gróttu á næstu tímabili?
,,Við höfum ekkert rætt það. Það var ákveðið að klára þetta verkefni hvernig sem það myndi enda og svo setjast menn niður og fara yfir málin og hvað væri best að gera í stöðunni. Ég bara veit það ekki, ég get ekki sagt til um það,“ sagði Óskar.