Kristján Jónsson, blaðamaður á Morgunblaðinu skrifar áhugaverðan pistil í blað dagsins þar sem hann fjallar um meiðsli íþróttamanna.

Kristján hefur lengi verið í faginu en upp er að koma ný meiðsli sem hann segir, að ekki hafi heyrst um áður.

,,Í starfi íþrótta­blaðamanns­ins þarf því miður oft að ræða við íþrótta­fólkið um meiðsli sem það hef­ur orðið fyr­ir. Þau eru víst fylgi­fisk­ur af­reksíþrótt­anna þótt ábyggi­lega geti þeir sem eru lengra komn­ir í fræðunum tek­ist á um hvort forðast megi þau bet­ur en gert er. Bakvörður dags­ins minn­ist þess ekki að hafa fyrr en á þessu ári rætt við íþrótta­fólk sem hafði glímt við að hæl­beinið stækkaði um of. Svo mikið raun­ar að það var til mik­illa vand­ræða,“ skrifar Kristján.

Hann hefur á síðustu sex mánuðum rætt við þrjá íþróttamenn, þar á meðal tvo knattspyrnumenn.

,,Á hálfu ári hef ég hins veg­ar tekið viðtöl við þrjá íþrótta­menn sem all­ir glímdu við af­leiðinag­ar þessa. Körfuknatt­leiks­mann­inn Kára Jóns­son og knatt­spyrnu­menn­ina Sig­urð Egil Lárus­son og Emil Páls­son. Fram að því hafði ég varla heyrt á þetta minnst. En af­leiðing­arn­ar geta greini­lega verið al­var­leg­ar því beinið get­ur valdið meiðslum í hás­in með tím­an­um. Kári fór í viðamikl­ar aðgerðir hjá Barcelona til að koma í veg fyr­ir hásin­arslit síðar á ferl­in­um. En hann hafði þá spilað kval­inn um hríð.“

,,Emil sleit hás­in í des­em­ber og hæl­beinið átti þátt í að veikja hás­in­ina. Sig­urður Eg­ill fór í aðgerð í nóv­em­ber en komst þá ekki leng­ur í skó með góðu móti eins og hann tjáði Morg­un­blaðinu.“

Kristán vtelur að þetta getið verið tilviljun en er ekki viss.

,,Nú veit ég ekki hvort íþrótta­fólk, og þau sem ann­ast það, hafi gefið þessu meiri gaum að und­an­förnu. Ef til vill er ein­ung­is um til­vilj­un að ræða. Á heild­ina litið er hins veg­ar ör­ugg­lega orðið al­geng­ara að reynt sé að fyr­ir­byggja meiðsli. Auk þess horf­ir íþrótta­fólkið meira fram í tím­ann í stað þess að þjösn­ast áfram þrátt fyr­ir smá­vægi­leg meiðsli sem verða þá al­var­legri.“