fbpx
Föstudagur 10.júlí 2020
433Sport

Allt of miklar kröfur í Árbænum? – Helgi getur náð besta árangrinum í 10 ár

Hörður Snævar Jónsson
Fimmtudaginn 19. september 2019 08:52

Ekki missa af Helstu tíðindum dagsins í pósthólfið þitt

Lesa nánar

Það vakti athygli í síðustu viku þegar Fylkir sendi frá sér yfirlýsingu þess efnis að Helgi Sigurðsson myndi ekki halda áfram, sem þjálfari liðsins.

Fylkir átti þá þrjá leiki eftir og sigur á Víkingi í gær kemur félaginu í góða stöðu fyrir tvo síðustu leikina. Þannig getur Fylkir komist upp í fjórða sæti deildarinnar með sigri á Stjörnunni í næstu umferð Þar gæti félagið einnig jafnað stigamet sitt í efstu deild frá 2009. Fylkir náði í 31 stig síðast í efstu deild, árið 2012.

Helgi er að klára sitt þriðja tímabil með Fylki, hann flaug með liðið strax upp úr næst efstu deild. Hann hefur svo náð að festa félagið í sessi í efstu deild.

Fylkir gæti átt veika von á Evrópusæti með sigri á Stjörnunni, félagið þarf þá að treysta á að FH tapi gegn KR og Grindavík. Fylkir á útileik gegn KA í síðustu umferð.

Það þarf að fara til ársins 2009 til að finna betri árangur en Helgi getur náð með Fylki. Fylkir fékk 43 stig árið 2009 og endaði í þriðja sæti, þá var Ólafur Þórðarson þjáfari liðsins.

Helgi tjáði sig um málið í gær við Vísir.is og sagði að kröfurnar í Árbænum, væru kannski of miklar.

„Það er frábært að sjá þessa stráka dafna. Ég tók við þeim í Inkasso-deildinni og verkefnið var að koma liðinu upp og festa það í sessi í efstu deild. Við höfum staðist allar raunir. Við erum í 5. sæti núna og eigum möguleika að komast enn ofar. Það eru kannski of miklar kröfur gerðar hérna í Árbænum. Ég veit ekki,“ sagði Helgi við Vísi.

Árangur Fylkis frá 2009:
2019 – ? Geta náð í 34 stig sem skilar líklega 4 sæti
2018 – 8 sæti í efstu deild
2017 – 1 sæti í næst efstu deild
2016 – 11 sæti í efstu deild og féllu
2015 – 8 sæti í efstu deild
2014 – 6 sæti í efstu deild
2013 – 7 sæti í efstu deild
2012 – 7 sæti í efstu deild
2011 – 7 sæti í efstu deild
2010 – 9 sæti í efstu deild
2009 – 3 sæti í efstu deild

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

433Sport
Í gær

,,Það er það eina sem Grealish hugsar um“

,,Það er það eina sem Grealish hugsar um“
433Sport
Í gær

Sama regla gildir á næsta tímabili á Englandi

Sama regla gildir á næsta tímabili á Englandi
433Sport
Í gær

Sex mörk í boði er Blikar og FH skildu jöfn

Sex mörk í boði er Blikar og FH skildu jöfn
433Sport
Í gær

Yngsti leikmaður sögunnar til að fá rautt spjald

Yngsti leikmaður sögunnar til að fá rautt spjald
433Sport
Fyrir 2 dögum

Stórstjarna í bobba: Nær ekki að selja húsið – Glæsileg eign

Stórstjarna í bobba: Nær ekki að selja húsið – Glæsileg eign
433Sport
Fyrir 2 dögum

Gary ekki stoltur af því sem gerðist í gær: ,,Ég er enginn svindlari“

Gary ekki stoltur af því sem gerðist í gær: ,,Ég er enginn svindlari“