Sokratis, leikmaður Arsenal, gerði mistök um helgina er liðið mætti Watford í ensku úrvalsdeildinni.
Arsenal komst í 2-0 á Vicarage Road en Watford jafnaði metin í síðari hálfleik.
Vörn Arsenal var ekki upp á marga fiska í seinni hálfleik og hefur Sokratis beðið félaga sína afsökunar á sínum mistökum.
,,Ég held að ég hafi kostað liðið sigurinn. Þetta voru mín mistök, þau voru einföld og eitthvað sem ég þurfti ekki að gera,“ sagði Sokratis.
,,Ég vil ekki tala um aðra. Þetta voru mín mistök sem kostuðu leikinn. Ekkert annað.“
,,Auðvitað baðst ég afsökunar því þetta var mér að kenna. Ég verð að leggja mig harðar fram.“