Pep Guardiola, stjóri Manchester City, sá sína menn tapa mjög óvænt 3-2 gegn Norwich í kvöld.
City hefur oft spilað betri leiki og litu Englandsmeistararnir alls ekki vel út á köflum.
Guardiola segir að svona hlutir gerist í fótbolta og að væntingarnar megi ekki vera of háar.
,,Ég veit hvað við erum sem lið. Ég veit hvað þeir hafa gert og hvað við ætlum að gera aftur. Ég elska mína leikmenn,“ sagði Guardiola.
,,Það er heiður að fá að vinna með þeim. Þetta er eins erfið áskorun og þær gerast.“
,,Fólk getur ekki búist við því að við vinnum alla leiki eða náum alltaf í 100 stig. Við förum nú til Evrópu og komum aftur.“
