Lucas Piazon er orðinn afar þreyttur hjá Chelsea þar sem hann hefur verið samningsbundinn í átta ár.
Piazon kom til Chelsea sem ungur Brassi en er 25 ára gamall í dag og fær engin tækifæri með aðalliðinu.
Piazon leikur í dag á láni með Rio Ave í Portúgal en hefur einnig spilað með Malaga, Vitesse, Frankfurt, Reading, Fulham og Chievo.
,,Tími minn hjá Chelsea er nú þegar liðinn. Ég er 25 ára gamall og hef verið lánaður margoft,“ sagði Piazon.
,,Ég hef verið þarna síðan 2011 og hef nánast spilað á láni alls staðar í Evrópu.“
,,Ég er orðinn þreyttur á að spila bara hér og þar. Ég vil finna mér stað sem getur verið mitt heimili. Ég vil fá það á hreint fyrir júlí.“