Stefán Logi Magnússon var í marki Fylkis í gær gegn HK þrátt fyrir sögusagnir um að allt hafi orðið vitlaust eftir síðasta leik við FH. Það var fullyrt í þættinum Dr. Football að Stefán hafi ætlað að ganga í skrokk á Helga Sigurðssyni, þjálfara Fylkis en þeir rifust eftir leik.
Rætt var um þetta í hlaðvarpsþætti Fótbolta.net í gær, en Elvar Geir Magnússon, ritstjóri Fótbolta.net fór yfir málið.
,,Stefán Logi Magnússon var í markinu hjá Fylki, eftir fréttir þess efnis að það hafi verið ansi heitt í hamsi milli hans og Helga Sig eftir leikinn gegn FH. Ég er búinn að fá staðfest að það var alls ekkert bull, kannski blásið upp en það var heitt í hamsi á milli þeirra,“ sagði Elvar um málið.
Elvar sagði að hann væri ekki pirraður yfir því að læti væru í klefanum, heldur mest pirraður að þetta hafi lekið úr klefa Fylkis.
,,Það gerist í fótboltaklefum, menn láta hvorn annan heyra það. Það voru ekki neinir eftirmálar, ef ég væri Helgi Sigurðsson, þá væri ég mest pirraður að þetta hafi lekið úr klefanum. „