Ensk götublöð segja að Ole Gunnar Solsjær, stjóri Manchester United hafi lesið yfir Paul Pogba og Marcus Rashford á mánudag. Ástæðan var vítaklúður Pogba gegn Wolves.
Rashford hafði skorað úr vítaspyrnu gegn Chelsea í leiknum á undan, Solskjær hafði samt ekki ákveðið hver væri vítaskyttan.
Pogba klikkaði á spyrnunni og var það ástæða þess að United mistókst að vinna leikinn. Solskjær var ekki sáttur, hann er sagður hafa lesið yfir þeim.
Einnig er sagt að Solskjær hafi nú tekið ákvörðun um að Rashford sé vítaskytta liðsins, annað sé ekki til umræðu.
Pogba er ekki góður að taka víti og klikkar oftar en ekki á punktinum, Rashford hefur hins vegar verið afar öruggur.