Heimir Guðjónsson þjálfari HB í Færeyjum mun þjálfa á Íslandi næsta sumar. Þetta segir netmiðillinn mbl.is í dag.
Þar segir að fjölskylda Heimis sé á heimleið og hann komi heim frá Færeyjum í október.
Heimir er einn besti þjálfari í sögu fótboltans á Íslandi, hann var afar sigursæll með FH.
Heimir var nokkuð óvænt rekinn úr starfi hjá FH haustið 2017. Hann tók þá við HB og gerði liðið að meisturum á fyrsta tímabili.
Heimir hefur síðustu vikur verið orðaður við Breiðablik, Val og Stjörnuna en ljóst er að hann verður eftirsóttur biti.