Aston Villa hefur fest kaup á vængmanninum Mahmoud Ahmed Ibrahim Hassan, betur þekktur sem Trezeguet.
Þetta var staðfest í dag en Trezeguet skrifaði undir fjögurra ára samning við enska úrvalsdeildarfélagið.
Villa borgar í kringum 9 milljónir punda fyrir Trezeguet sem var áður á mála hjá Kasimpasa í Tyrklandi.
Hann er 24 ára gamall og á að baki leiki fyrir Kasimpasa, Anderlecht, Mouscron og Al Ahly.
Einnig hefur Trezeguet spilað 41 landsleik fyrir Egyptaland og skorað í þeim sex mörk.
