Andreas Pereira, leikmaður Manchester United, vonar innilega að Paul Pogba verði áfram hjá félaginu.
Pogba er sterklega orðaður við brottför en hann er talinn vera óánægður í herbúðum United.
Pereira er góður vinur franska landsliðsmannsins og mun gera allt til að halda honum í Manchester.
,,Það er frábært að æfa og spila með honum – hann er frábær manneskja til að hafa í klefanum,“ sagði Pereira.
,,Það verður mikilvægt að halda honum. Hann er frábær leikmaður og topp manneskja á sama tíma.“
,,Ég læri af honum á hverjum degi, hann er einn af mínum nánustu vinum. Ég hef verið með honum hérna síðan hann var 16 ára gamall svo hann er partur af fjölskyldunni.“
,,Ég gæti þurft að stela símanum hans svo hann ræði ekki við neinn!“