Mats Hummels gerði samning við Borussia Dortmund í sumar en hann yfirgaf lið Bayern Munchen.
Niko Kovac, stjóri Bayern, hefur opnað sig um skiptin og útskýrir af hverju Hummels ákvað að fara.
Ástæðan er sú að Hummels vildi ekki berjast fyrir sæti sínu og vildi vera öruggur með það að hann myndi byrja á næstu leiktíð.
,,Mats gerði frábæra hluti hérna og þá sérstaklega á seinni hluta tímabilsins,“ sagði Kovac.
,,Eins og forsetinn hefur sagt þá kom Mats til okkar undir lok tímabilsins og spurði hvað planið væri fyrir það næsta.“
,,Niklas Sule stóð sig frábærlega, hann er byrjunarliðsmaður í landsliðinu og við keyptum Lucas Hernandez og viljum nota hann í miðverði. Það þýðir samt ekki neitt.“
,,Samkeppnin þýðir að besti leikmaðurinn mun fá að spila. Mats vildi forðast það. Við sættum okkur við það og hann spilar nú fyrir Dortmund.“