Íslenskir knattspyrnuaðdáendur hjálpast nú að við að reyna að koma Mohammad Sayed til landsins.
Sayed er maður sem einhverjir kannast við en hann er einn harðasti stuðningsmaður íslenska landsliðsins.
Sayed býr í Bangladesh en hann missir aldrei af leik með íslensku strákunum og er duglegur að birta myndir og myndbönd af sjálfum sér þar sem má sjá í íslenska fánann.
Hann bjó til að mynda til risastóran íslenska fána og fékk hjálp frá vinum til að koma honum öllum á myndband.
Iceland pic.twitter.com/e6uy6AxQS6
— Mohammad Sayed (Iceland) (@sayedmojumder2) 21 June 2019
Hilmar Jökull á Twitter greindi frá því í gær að söfnun væri farin af stað til að reyna að koma Sayed til landsins.
Sayed dreymir um að komast á leik með landsliðinu og eru einhverjir búnir að rétta fram hjálparhönd.
Reynt er að koma Sayed til landsins fyrir leik gegn Moldavíu í september og verður fróðlegt að sjá hvort það takist.
Tómas Jóhannsson stingur upp á að KSÍ hjálpi til og vill sjá sambandið leggja inn að minnsta kosti tíu þúsund. „Þjóðin hefur talað,“ skrifar Tómas við færsluna.
Gaman að segja frá því að ég er kominn af stað með söfnun fyrir hann eftir smá spjall inni á “Umræðuhópur Tólfunnar” á Facebook.
Ef einhver af twitter fam vill hjálpa til við að koma Sayed til landsins þá er rkn 0370-26-011133 og kt er 240795-2059@fotboltinet pic.twitter.com/kJUfqtmZSE— Hilmar Jökull (@Hilli95) 22 June 2019
Congretulations to Iceland national football team.
My huge flag only for Iceland football team. @footballiceland pic.twitter.com/hBfZULTv1M— Mohammad Sayed (Iceland) (@sayedmojumder2) 11 June 2019