Það var ekki alltaf dans á rósum að þurfa að nota Eden Hazard í liði Chelsea segir fyrrum stjóri liðsins, Maurizio Sarri.
Sarri er nú tekinn við liði Juventus en hann og Hazard unnu saman hjá Chelsea á síðustu leiktíð.
Belginn var besti leikmaður Chelsea en hann er kannski ekki þekktastur fyrir varnarvinnu sína.
Sarri var áður hjá Napoli og segir að kerfið sitt hafi virkað verr hjá Chelsea þar sem Hazard vann ekki til baka.
,,Á síðustu árum þá hef ég notað 4-3-3 en 4-3-3 kerfið hjá Chelsea var öðruvísi en það hjá Napoli,“ sagði Sarri.
,,Við þurftum að nýta okkur eiginleika Hazard þar sem hann breytti leikjum en á sama tíma þá olli hann vandræðum varnarlega sem við þurftum að vinna í.“