Neymar hefur tjáð PSG að hann vilji fara til Barcelona, það virðist ansi líklegt að hann fari aftur þangað.
Tvö ár eru síðan að PSG borgaði 198 milljónir punda, dýrasti leikmaður í sögu fótboltans.
Hann sér eftir því skrefi í dag ef marka má miðla á Spáni. Börsungar hafa áhuga á að fá hann aftur, Mundo Deportivo segir að Lionel Messi, vilji Neymar aftur heim.
,,Ég vil ekki vera lengur hjá PSG, ég vil fara aftur heim. Ég hefði aldrei átt að fara þaðan,“ á Neymar að hafa sagt við Nasser Al-Khelaifi, forseta PSG.
Ljóst er að Barcelona þarf að greiða svipaða upphæð og PSG lagði út, óvíst er hvort félagið hafi efni á því. Talað er um að Börsungar muni reyna að nota leikmenn í skiptum og eru Ousmane Dembele og Ivan Rakitic nefnir til sögunnar.