Marcos Rojo, varnarmaður Manchester United ákvað að yfirgefa hótelið sem hann dvaldi á í Dóminíska lýðveldinu. Ástæðan eru fjögur dauðsföll á þessu sama hóteli á tveimur mánuðum. Hann var staddur með eiginkonu sinni og börnum.
Rojo er frá Argentínu og var með fjölskyldu sína á Hard Rock Hotel & Casino í Punta Cana.
Það sem varð til þess að Rojo flúði hótelið var að Robert Bell Wallace, lést á hótelinu á meðan Rojo var það. Hann er fjórði einstaklingurinn á tveimur mánuðum sem lætur lífið á hótelinu, og ekki eru neinar útskýringar.
Bandarískir fjölmiðlar fjalla mikið um fráfall Wallace, hann fékk sér eitt glas af viskí á hótelherberginu,.
Hann byrjaði að pissa blóði eftir glasið af viskí og varð fárveikur, hann lést á sjúkrahúsi tveimur dögum síðar.
Rojo tók ekki sénsinn á að vera áfram á hótelinu en málið hefur vakið mikla athygli en hótelið er fyrir vel efnað fólk.