KR-ingar og Björgvin Stefánsson, framherji félagsins, hafa áfrýjað leikbanninu sem Björgvin var dæmdur í á dögunum. Björgvin var úrskurðaður í fimm leikja bann fyrir að segja að það væri stutt í „villimannseðlið hjá svarta manninum“ í leik sem hann lýsti á Haukar TV:
Fótbolti.net greinir frá því að KR og Björgvin hafi áfrýjað banninu, en áfrýjunarfrestur rennur þó ekki út fyrr en á miðnætti annað kvöld. Haukar, sem dæmdir voru til að greiða 100 þúsund króna sekt, hafa ekki enn áfrýjað sektinni að sögn Fótbolta.net.
Ef bannið stendur mun Björgvin næst spila með KR þann 21. júlí gegn Stjörnunni.