Fyrsta markalausa jafntefli sumarsins var á boðstólnum í dag er lið HK og Grindavík áttust við í Pepsi Max-deild karla.

Það var boðið upp á nokkuð tíðindalítinn í Kórnum og var ekki mikið um færi eða fjör.

Hér má sjá það góða og slæma úr leiknum.

Plús:

Stig eru ekki verstu úrslit fyrir bæði lið en ég tel að þetta hafi verið nokkuð sannngjörn úrslit í Kórnum.

Hvorki HK né Grindavík misstu hausinn í þessum leik. Liðin héldu í skipulagið.

Mínus:

Auðvitað heimtar maður meira en leik eins og þennan. Það var í raun gæðaleysi sem einkenndi þessa viðureign.

Í svona leikjum þarf oft einstakling til að stíga upp og stýra skútu síns liðs, það gerði hins vegar ekki.

Mætingin var að venju ekki frábær í Kórnum í dag. Það voru rétt yfir 400 manns sem gerðu sér leið á völlinn.

Markalaust jafntefli í Pepsi Max-deildinni, nú getur maður loksins sagt það. Fyrsta markalausa jafntefli sumarsins.

Gunnar Þorsteinsson átti án efa skilið að fá sitt annað gula spjald í uppbótartíma. Af hverju Guðmundur Ársæll sleppti honum veit ég ekki.