Það vakti athygli í dag þegar að miðjumaðurinn öflugi Fabinho var ekki valinn í leikmannahóp Brasilíu.
Fabinho er fjölhæfur leikmaður en hann spilar með liði Liverpool á Englandi.
Þar hefur Brassinn spilað stórt hlutverk en Liverpool á eftir að leika úrslitaleik Meistaradeildarinnar.
Copa America keppnin hefst í næsta mánuði en landsliðsþjálfarinn Tite ákvað að skilja Fabinho eftir.
Eiginkona Fabinho, Rebeca Tavares, var ekki lengi að tjá sig á Twitter eftir þessa ákvörðun.
Hún er ein af þeim sem skilja ekki þessa ákvörðun enda átti Fabinho gott tímabil með þeim rauðu.
Miðjumennirnir sem fara á mótið eru þeir Casemiro, Arthur, Fernandinho, Allan, Lucas Paqueta og Philippe Coutinho.