Valur vill losna við Gary Martin. Þetta staðfesti Ólafur Jóhannesson, þjálfari Vals í samtali við 433.is í gær. Gary gekk í raðir Vals í janúar og gerði þriggja ára samning. Eftir þrjár umferðir í Pepsi Max-deildinni vill Valur nú losna við framherjann.
Tíðindin koma talsvert á óvart því ekki eru nema rúmir fjórir mánuðir síðan að Valur setti allt sitt traust á breska framherjann. ,,Ég er búinn að tilkynna honum að hann megi finna sér nýtt félag, Gary er fínn drengur og búinn að standa sig vel. Hann hentar ekki okkar leikstíl,“ sagði Ólafur í samtali við 433.is í gær.
Valur hefur boðið nokkrum liðum að fá Gary Martin, þar á meðal KA sem hefur mikinn áhuga á að fá enska framherjann. „KA hefur hringt töluvert í mig og verið mjög áhugasamir,“ segir Gary við Vísir.is í mig.
Á Vísir er hins vegar sagt að Gary vilji ekki bjóða kærustunni sinni upp á það. ,,Kærasta hans sé væntanleg frá Englandi eftir nokkra daga. Hann geti ekki boðið kærustunni upp á frekara ferðalag eftir flug og rútu til Reykjavíkur. Flug eða bílferð til Akureyrar, fram og til baka, sé ekki hægt að bjóða henni,“ segir í frétt sem Kolbeinn Tumi Daðason, skrifar.