Þeir Andy Robertson og Luis Suarez rifust í kvöld er lið Barcelona og Liverpool áttust við í Meistaradeildinni.
Þeim tveim lenti saman í fyrri hálfleik en rifrildið var fljótt stöðvað af dómara leiksins.
Suarez var ekki búinn að gleyma því sem átti sér stað þegar flautað var til hálfleiks og ákvað að heyra aðeins í Robertson í leikmannagöngunum.
,,Það voru enn smá læti þarna í göngunum er leikmenn gengu inn í klefa,“ sagði Michael Owen, sérfræðingur BT Sport.
,,Suarez lét Robertson aðeins heyra það og hélt áfram með rifrildið sem átti sér stað í fyrri hálfleik.“
Það var Suarez sem hafði að lokum betur gegn gömlu félögunum í kvöld en Barcelona vann 3-0 sigur.