Stærsta og vinsælasta íþróttakeppni á Íslandi hefst um helgina þegar Pepsi Max-deild karla fer af stað. Um er að ræða efstu deild karla í knattspyrnu og að mati margra er þessi vinsælasta íþrótt í heimi vorboðinn ljúfi. 12 lið eru í deildinni líkt og síðustu ár. Hart verður barist á toppnum en ekki síður á botninum.
KR hefur leik í Pepsi Max-deildinni á morgun þegar liðið heimsækir Stjörnuna. Rúnar Kristinsson, þjálfari liðsins var mættur í Peps Max-mörkin í gær og ræddu markvarðarstöðuna.
Þátturinn talaði um að markvarsla, gæti verið veiki hlekkurinn í KR. Rúnar er á öðru mái og telur að Beitir Ólafsson sé besti markvörður deildarinnar.
„Beitir er búinn að bæta sig alveg gríðarlega frá því í fyrra,“ sagði Rúnar í markaþættinum.
„Ég held að Beitir sé besti markmaðurinn á Íslandi í dag,“ sagði Rúnar í þættinum og ummælin vekja athygli. Sérstaklega í ljósi þess að KR reyndi að fá Hannes Þór Halldórsson, landsliðsmarkvörð í vetur. Hann hafnaði KR og gekk í raðir Vals.
Þá reyndi KR að fá Árna Snæ Ólafsson, markvörð ÍA fyrir síðustu leiktíð en hann kaus að vera áfram á Skaganum.
„Hann er búinn að vera frábær fyrir okkur í vetur og hentar okkar leikstíl gríðarlega vel. Ég hefði ekki kosið að hafa neinn annan í marki KR í sumar en hann,“ sagði Rúnar um Beiti.