Stærsta og vinsælasta íþróttakeppni á Íslandi hefst um helgina þegar Pepsi Max-deild karla fer af stað. Um er að ræða efstu deild karla í knattspyrnu og að mati margra er þessi vinsælasta íþrótt í heimi vorboðinn ljúfi. 12 lið eru í deildinni líkt og síðustu ár. Hart verður barist á toppnum en ekki síður á botninum.
Klukkan 16:00 á morgun mætast FH og HK, stórveldið gegn nýliðunum úr Kópavogi sem kunna best við sig innandyra, í Kórnum.
FH sótti tvo gamla hunda í vetur, þegar Björn Daníel Sverrisson og Guðmann Þórisson komu aftur til félagsins.
Báðir eru afar litríkir karakter og hafa gaman af lífinu. FH gerði sjónvarpsþátt um þá sem má sjá hér að neðan.