Franska úrvalsdeildin mun skrá sig í sögubækurnar er umferð helgarinnar fer af stað.
Stephanie Frappart mun þá dæma leik Amiens gegn Strasbourg í Ligue 1 en leikið er á sunnudaginn.
Frappart er 35 ára gömul en hún hefur undanfarin ár starfað í Ligue 2 í Frakklandi sem er næst efsta deild landsins.
Hún mun nú fá tækifærið í efstu deild í Frakklandi í fyrsta sinn og getur notast við myndbandstæknina VAR sem er notuð þar.
Konur hafa áður fengið að vera aðstoðardómarar í efstu deild Frakklands en Stephanie er fyrsti aðaldómarinn.
Nally Viennot var sú fyrsta til að aðstoða við dómgæslu árið 1994 en hún hætti að dæma árið 2007.