Arsenal spilar mikilvægan leik á fimmtudag er liðið spilar við Napoli í Evrópudeildinni.
Seinni leikur liðanna í 8-liða úrslitum Evrópudeildarinnar fer fram en Arsenal vann fyrri leikinn 2-0 á Englandi.
Það er ekkert grín að heimsækja Napoli á þeirra heimavöll og má búast við rosalegri stemningu.
Fjölmargir stuðningsmenn Arsenal munu einnig gera sér leið á leikinn og fá mikla vernd.
Greint er frá því að um 800 lögregluþjónar muni vernda ensku stuðningsmennina frá ítölskum fótboltabullum.
Ofbeldi er eitthvað sem stuðningsmenn Napoli þekkja og var félaginu refsað eftir leiki gegn FC Zurich og Inter Milan fyrr á tímabilinu.