Guðjón Pétur Lýðsson hefur skrifað undir samning við lið Breiðablik í Pepsi-Max deild karla.
Þetta herma öruggar heimildir 433.is en Guðjón fékk grænt ljós á að yfirgefa lið KA á Akureyri í gær.
Persónulegar ástæður verða til þess að Guðjón fari annað en hann samdi aðeins við KA á síðasta ári.
Bæði Breiðablik og Valur höfðu áhuga á að næla í Guðjón sem hefur leiki með báðum liðum.
Það var hins vegar Breiðablik sem hafði betur í baráttunni um Guðjón sem á að baki fjölmarga leiki í efstu deild.
Hann verður því klár í slaginn eftir um tvær vikur þegar Blikar hefja nýtt tímabil í efstu deild.