Bjarni Þór Viðarsson, er hættur í fótbolta af læknisráði. Það er Fréttablaðið sem fjallar um málið.
Bjarni hefur leikið með FH síðustu ár eftir að hann kom heim úr atvinnumennsku, hann hefur ekki náð flugi vegna meiðsla.
Bjarni var meiddur allt síðasta sumar og leggur nú skóna á hilluna, hann verður einn af sérfræðingum Símans í enska boltanum.
„Mér líst vel á þetta og er mjög spenntur. Ég verð aðallega að lýsa og þetta verður nýtt fyrir mér og kannski svolítið út fyrir þægindarammann en ég hlakka til. Núna er fótboltinn búinn hjá mér, ég þarf að hætta vegna meiðsla, en þegar einar dyr lokast þá opnast aðrar og þetta eru mjög spennandi dyr að ganga í gegnum,“ segir Bjarni.
Bjarni fór ungur að árum í atvinnumennsku til Everton og lék í Hollandi og Belgíu, hann er fæddur árið 1988.