Real Madrid er úr leik í Meistaradeild Evrópu eftir leik við hollenska stórveldið Ajax í kvöld.
Seinni leikur liðanna fór fram í kvöld í Madrid en Real vann fyrri leikinn 2-1 á Amsterdam Arena.
Liðið var því í góðri stöðu fyrir leik kvöldsins eftir að hafa skorað tvö mörk á útivelli.
Ajax hafði þó engan áhuga á að kveðja svo snemma og gerði sér lítið fyrir og vann 4-1 sigur á Santiago Bernabeu.
Dusan Tadic, fyrrum leikmaður Southampton, átti stórleik og lagði upp tvö mörk og skoraði eitt í sigrinum.
Þetta tap mun án efa hafa slæm áhrif á Real sem hefur unnið keppnina undanfarin þrjú ár.
Tottenham tryggði sér farseðilinn í næstu umferð á sama tíma eftir sigur á Dortmund á útivelli.
Tottenham vann fyrri leikinn 3-0 á heimavelli og vann svo leik kvöldsins með einu marki gegn engu.
Real Madrid 1-4 Ajax
0-1 Hakim Ziyech(7′)
0-2 David Neres(18′)
0-3 Dusan Tadic(62′)
1-3 Marco Asensio(70′)
1-4 Lasse Schone(72′)
Dortmund 0-1 Tottenham
0-1 Harry Kane(49′)