fbpx
Þriðjudagur 23.júlí 2019  |
433Sport

Sigurbjörn lenti og fór beint í búning ásamt goðsögn: ,,Þarna er hann bara og spyr um nafn“

Victor Pálsson
Sunnudaginn 3. mars 2019 07:00

Ekki missa af Helstu tíðindum dagsins í pósthólfið þitt

Lesa nánar

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Gestur þáttarins að þessu sinni er Sigurbjörn Hreiðarsson, hann er litríkur karakter sem á ansi merkilegan feril, hann lék alla tíð í meistaraflokki með Val, fyrir utan eitt tímabil í atvinnumennsku. Sigurbjörn upplifði ótrúlega tíma með Val, bæði góða og slæma.

Sigurbjörn reyndi fyrir sér í atvinnumennsku á sínum tíma en hann spilaði með Trelleborgs í Svíþjóð.

Fyrir það hafði hann reynt fyrir sér á Englandi og fór á reynslu til bæði Crystal Palace og Chelsea.

Árið 1995 lenti Sigurbjörn á flugvelli í London og stuttu síðar var hann kominn inná í varaliðsleik Chelsea.

Þar spilaði hann á miðjunni ásamt Glenn Hoddle sem var leikmaður og þjálfari Chelsea á þessum tíma.

Hoddle er goðsögn í enska boltanum en hann lék lengst með Tottenham frá 1975 til 1987.

,,Maður hafði farið út og tékkað sko á hinu og þessu. Ég hafði farið töluvert til Englands,“ sagði Sigurbjörn um reynslu sína erlendis.

,,Árið 1992 þá fór ég til Crystal Palace og var þar þegar Steve Coppell var að þjálfa og þeir voru með skemmtilegt lið.“

,,Svo fórum við til Chelsea árið 1995 með Ívari Bjarklind og Auðuni Helgasyni, þá var Glenn Hoddle að þjálfa.“

,,Það var ansi gaman, við lentum á flugvellinum og vorum strax settir í leik. Það var eitthvað landsleikjahlé og varaliðið var að spila.“

,,Þá var Glenn Hoddle að spila, hann spilaði þennan leik. Leikurinn var byrjaður og okkur var skellt í búning og svo kom hann sem stjórnaði liðinu þá, hvort það hafi ekki verið Graham Rix.“

,,Hann spyr okkur hvar við spilum og ég svara á miðjunni og hann segir að það sé fínt og að ég eigi að koma inná. Ég fer inná miðjuna og þarna er bara Hoddle og spyr um nafn. Ég segi Siggi man!“

,,Hann sagði mér að spila með honum á miðjunni gegn Fulham. Við vorum tveir í tíu til tuttugu mínútur saman og svo fór hann útaf, hann var búinn á því.“

,,Hann skipti við Ívar Bjarklind þannig það voru fyrstu kynni mín af Chelsea. Við vorum þarna í 10-12 daga og þeir ákváðu að semja ekki við okkur!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Tannlaus prins
433Sport
Fyrir 2 dögum

Baulað á leikmann United í æfingaleik – Solskjær ætlar að ræða við hann

Baulað á leikmann United í æfingaleik – Solskjær ætlar að ræða við hann
433Sport
Fyrir 2 dögum

Sjáðu hvað Bruce sagði við félagana eftir fyrsta sigurinn – Hlær að gagnrýninni

Sjáðu hvað Bruce sagði við félagana eftir fyrsta sigurinn – Hlær að gagnrýninni
433Sport
Fyrir 2 dögum

Sjáðu myndina: Tapaði veðmáli og þurfti að aflita hárið – Einn neitaði að taka refsingunni

Sjáðu myndina: Tapaði veðmáli og þurfti að aflita hárið – Einn neitaði að taka refsingunni
433Sport
Fyrir 3 dögum

Sjáðu markið: Jón Dagur sýndi gæðin gegn FCK

Sjáðu markið: Jón Dagur sýndi gæðin gegn FCK