Birkir Már Sævarsson hefur lengi verið einn mikilvægasti leikmaður íslenska landsliðsins.
Bakvörðurinn lék sinn fyrsta landsleik árið 2007 og hefur síðan þá spilað 90 leiki sem er magnaður árangur.
Birkir spilar í dag með Val í Pepsi-deild karla en er þekktastur fyrir tíma sinn hjá Brann í Noregi og Hammarby í Svíþjóð.
Birkir er nú orðinn næst leikjahæsti leikmaður í sögu landsliðsins og er með fleiri leiki en Hermann Hreiðarsson.
Rúnar Kristinsson er leikjahæsti leikmaður í sögu landsliðsins en hann spilaði 104 leiki frá 1987 til 2004.
Helga Birkisdóttir, móðir Birkis, setti inn skemmtilega færslu á Twitter eftir leik við Frakkland á Stade de France í kvöld. Leikurinn tapaðist 4-0.
,,Hver hefði trúað því að þetta krútt yrði næst landsleikjahæsti leikmaður Íslands. Ekki ég,“ skrifaði Helga og birti mynd af Birki sem krakka.
Hver hefði trúað því að þetta krútt yrði næst landsleikjahæsti leikmaður Íslands ⚽️ ekki ég ? pic.twitter.com/wmEzqnbm0v
— Helga Birkisdóttir (@helgabirkis) 25 March 2019