Hörður Snævar Jónsson skrifar frá París:
Íslenska landsliðið kom til Parísar í gærkvöldi og mun síðdegis í dag æfa á Stade de France í úthverfi Parísar. Liðið leikur sov við heimamenn í undankeppni EM á morgun.
Íslenska liðið, vann góðan sigur á Andorra á föstudag og kemur til Parísar, þar sem stig eða sigur væru algjör bónus.
Hvort íslenska liðið komist í lokakeppni EM, stendur hvorki né fellur með því hvað gerist á morgun. Íslenska liðið hefur þó hins vegar oftar en ekki átt sína bestu leiki á erfiðum útivöllum, nægir að nefna sigra í Hollandi og Tyrklandi.
Í eldlínunni á morgun verða að sjálfsögðu Gylfi Þór Sigurðsson og Alfreð Finnbogason, franski blaðamaðurinn Johann Crochet, fjallar um þá á Twitter.
Með færslu sinni lætur hann fylgja skemmtilega mynd, myndin er af þeim félögum þegar þeir voru efnilegir í Breiðabliki. Þar léku Gylfi og Alfreð saman og gerðu það gott.
,,Tveir af leiðtogum Íslands í dag, saman í Breiðabliki,“ skrifar Crochet en með þeim á myndinni er bakarinn og þjálfarinn, Valdimar Valdimarsson.
France ?? – Islande ?? lundi soir.
Tout à gauche, Gylfi Sigurdsson.
Tout à droite, Alfred Finnbogason.Deux des leaders de cette équipe d'Islande aujourd'hui.
Du temps de leur formation à Breidablik, club de Kopavogur. pic.twitter.com/rGZ8sPcpRg
— Johann Crochet (@johanncrochet) March 23, 2019