Hörður Snævar Jónsson skrifar frá Peralada á Spáni:
Viðar Örn Kjartansson hefur verið kallaður inn í landsliðshóp Íslands fyrir leikina gegn Andorra og Frakklandi í undankeppni EM sem hefst á föstudag.
Íslenska landsliðið æfði í annað sinn í Katalóníu nú í morgun en leikmenn liðsins komu saman í gær. Undirbúningur fyrir undankeppni EM er í fullum gangi.
Liðið æfir í Peralada á Spáni í dag og á morgun og heldur síðan til Andorra snemma á fimmtudag, þar er leikur gegn heimamönnum á föstudag.
Viðar var ekki valinn í hópinn sem kynntur var í síðustu viku, hann samdi svo við Hammarby í Svíþjóð um helgina. Erik Hamren og Freyr Alexandersson hafa ákveðið að kalla hann inn í hópinn.
Ekki er vitað hvort það sé vegna meiðsla í hópnum eða ekki. Viðar ætlaði sér að hætta með landsliðinu síðasta haust en hefur nú skipt um skoðun.
Viðar Örn Kjartansson hefur verið kallaður inn í hóp Íslands fyrir leikina gegn Andorra og Frakklandi.
Viðar Örn Kjartansson has been called into the squad for games against Andorra and France.#fyririsland pic.twitter.com/ReIZL5wfKx
— Knattspyrnusambandið (@footballiceland) March 19, 2019