Hörður Snævar Jónsson skrifar frá Peralada á Spáni:
Ari Freyr Skúlason er spenntur fyrir verkefni íslenska landsliðsins í undankeppni EM í vikunni.
Ísland hefur ekki unnið leik í mjög langan tíma en spilar við Andorra á föstudag sem er að margra mati skyldusigur.
Ari Freyr hefur lokið keppni á þessu tímabili með Lokeren í Belgíu, liðið skítféll úr deildinni.
,,Þetta er búið að vera hrikalegt, ég bjóst ekki við þessu ég skrifaðu undir. Að þetta myndi enda svona, þetta er mjög skrýtið,“ sagði Ari Freyr við blaðamann 433.is í dag.
Þrátt fyrir að hafa skítafllið úr deildinni er ekki ljóst hvort Lokeren fari á endanum niður, hagræðing úrslita hjá fjölda liða er til rannsóknar í Belgíu, verði dómur FIFA hagstæður, gæti Lokeren haldið sér uppi.
,,Við skítféllum en það er mál um hagræðingu úrslita, það á eftir að koama út úr því. Þetta er í höndum FIFA; maður hefur heyrt hinar og þessar sögu. Það eru þokkalegar líkur á að Lokeren haldi sér í efstu deild. Við fáum ekkert að taka þátt í þessu umspili sem er í gangi núna, við þurfum að æfa þrisvar í viku fram í lok apríl. Svo kemur bara frí, svo kannski verðum við í efstu deild.“
Fólk hjá Lokeren telur að félagið muni halda sér uppi á dómi FIFA.
,,Það er þannig tilfinning yfir þessu, ég er búinn að heyra ýmsar sögur, frá fólki. Það er erfitt að segja hvað gerist, það er mjög erfitt að standa í þessu, vita ekki hvort maður hafi fallið.“
Ari er samningslaus í sumar en útilokar ekki að vera áfram, fari svo að dómur FIFA verði hagstæður félaginu.
,,Það er alveg möguleiki, þjálfarinn núna er mjög ánægður með mig. Spilaði í hinum og þessum stöðum, það er svo spurning með forsetann og yfirmann knattspyrnumála, hvað þeir vilja gera. Maður veit svo aldrei með þjálfara í Belgíu, það er sirkus með þá.“
,,Ég byrjaði að skoða aðra möguleika í janúar, ég ætla ekki að taka neina skyndiákvörðun. Börnin mín er í Belgíu og í skóla fram í júlí, við erum róleg.“
Viðtalið við Ara er í heild hér að neðan.