Virgil van Dijk, varnarmaður Liverpool, er með veikleika segir samherji hans í landsliðinu, Ryan Babel.
Van Dijk er talinn vera einn allra besti varnarmaður heims en hann hefur verið frábær fyrir lið Liverpool undanfarið ár.
Margir tala um að Van Dijk sé ekki með neinn veikleika í sínum leik en Babel er ekki sammála því.
,,Hann er með veikleika. Ég vil ekki segja hver hann er,“ sagði Babel í samtali við the Times.
,,Ég held að enginn í ensku úrvalsdeildinni sé búinn að átta sig á honum.“
,,Ég tel að hann geti enn bætt sig um 30 prósent. Hann getur gert mun meira. Hann getur verið fljótur ef hann vill það.“