fbpx
Mánudagur 20.maí 2019
433Sport

Svindla hinir sterkefnuðu?

Hörður Snævar Jónsson
Föstudaginn 15. mars 2019 15:00

Ekki missa af Helstu tíðindum dagsins í pósthólfið þitt

Lesa nánar

Það eru ekki allir ánægðir með það hvaða leið knattspyrnan í heiminum hefur farið á síðustu árum og áratugum, peningar ráða öllu, félögin mörg hver eiga digra sjóði og leikmenn þéna ótrúlegar upphæðir í viku hverri. Á árum áður var knattspyrnan leikur verkamannsins en það hefur breyst, margt hefur orðið betra en annað ekki. Eitt af því sem vekur hvað mesta furðu og reiði, er oft á tíðum eignarhald félaga. Tvö stór félög í hinum stóra heimi eru hvað umdeildust, eigendur þeirra hafa dælt fjármunum í félagið, því er haldið fram að þar hafi ekki verið farið eftir öllum reglum. Um er að ræða Manchester City á Englandi og Paris Saint-Germain í Frakklandi.

Farið í kringum reglur FIFA:
Ekki eru mörg ár síðan FIFA, alþjóða knattspyrnusambandið, setti upp reglur sem félög verða að fara eftir. Samkvæmt þeim má ekki reka félag með tapi yfir nokkurra ára tímabil, þetta var gert til að koma í veg fyrir skuldasöfnun félaga. Ástandið var orðið slæmt og er enn í dag, félög höfðu skuldsett sig upp í topp, í von um að ná árangri, stundum heppnaðist það en oft gekk það ekki upp. Rannsókn er nú í gangi á bókhaldi Manchester City, þar sem félagið þarf að svara hvort félagið hafi brotið þessar reglur. PSG á í vandræðum með að standast þær og þarf að grípa til aðgerða í sumar.

Rannsókn hjá City
Manchester City er nú rannsakað í bak og fyrir en FIFA hefur grun um að félagið hafi farið á svig við reglurnar um fjármál félaga. Sheikh Mansour, eigandi félagsins, er frá Sameinuðu arabísku furstadæmunum. Hann hefur dælt peningum inn í félagið og gert það sigursælt, ekki er víst að hann og starfsmenn hans hafi farið eftir öllum reglum. Þannig er talið að félagið hafi farið í kringum reglur með því að borga hluta af greiðslum til leikmanna í gegnum annað félag og gefi ekki upp alla samninga, og að Mansour hafi í gegnum fyrirtæki í heimalandi sínu gert samninga við Manchester City. Þannig hafi hann komið háum fjárhæðum inn í reksturinn úr eigin vasa, í gegnum félög annarra. FIFA skoðar nú allt bókhald félagsins og búast má við niðurstöðu á næstu mánuðum. Fari allt á versta veg kynni City að verða bannað að taka þátt í Meistaradeild Evrópu.

PSG þarf að búa til fjármagn
Rekstur PSG hefur verið til rannsóknar og til að komast í gegnum reglur FIFA þarf félagið að búa til fjármagn í sumar. Þannig hefur félagið keypt dýrustu leikmenn heims án þess að hafa tekjur til að komast í gegnum reglur FIFA. Búist er við að félagið þurfi að selja nokkra leikmenn í sumar og ná sér þannig í um 15 milljarða íslenskra króna til að komast í gegnum regluverkið. Annars kynni félaginu að verða refsað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 19 klukkutímum

Plús og mínus: Óvænt endurkoma í landsliðið?

Plús og mínus: Óvænt endurkoma í landsliðið?
433Sport
Fyrir 20 klukkutímum

Magnaðir Skagamenn unnu Blika og tryggðu sér toppsætið

Magnaðir Skagamenn unnu Blika og tryggðu sér toppsætið
433Sport
Fyrir 2 dögum

Ótrúleg endurkoma í landsliðið: ,,Ég er enn að átta mig á þessu“

Ótrúleg endurkoma í landsliðið: ,,Ég er enn að átta mig á þessu“
433Sport
Fyrir 2 dögum

Læti út um allan heim eftir umdeilda ákvörðun: Forsetinn er helvítis fífl

Læti út um allan heim eftir umdeilda ákvörðun: Forsetinn er helvítis fífl
433Sport
Fyrir 2 dögum

Staðfesta það að Griezmann verði látinn vera

Staðfesta það að Griezmann verði látinn vera
433Sport
Fyrir 3 dögum

Skeit hjá Manchester United en Liverpool hefur nú áhuga

Skeit hjá Manchester United en Liverpool hefur nú áhuga