Það eru margir sem kannast við nafnið Adebayo Akinfenwa en hann leikur með Wycombe Wanderers á Englandi.
Akinfenwa hefur aldrei verið þekktur fyrir ótrúlega knattspyrnuhæfileika en hefur þó átt fínasta feril.
Hann hefur allan sinn feril leikið í neðri deildum á Englandi og hefur reglulega skorað mörk.
Akinfenwa hefur lengi þótt vera sterkasti knattspyrnumaður heims en það vantar svo sannarlega ekki vöðvana á framherjann.
Einnig hefur Akinfenwa borið þann titil að vera sterkasti leikmaður tölvuleiksins FIFA sem margir spila.
Nú hefur það hins vegar breyst en Akinfenwa er ekki lengur sterkasti leikmaður FIFA þrátt fyrir að vera með 97 stig af mögulegum 100 þegar kemur að styrk.
Sebastian Haller, framherji Frankfurt, er nú með 98 í styrk í leiknum og er orðinn sterkasti leikmaður leiksins.
Þetta er skellur fyrir Akinfenwa sem hafði verið sterkasti leikmaður leiksins frá árinu 2012.
Hér má sjá mynd af Haller, sterkasta leikmanni leiksins.