Manchester United keypti hinn unga Diogo Dalot í sumar en hann kom til félagsins frá Porto.

Dalot vakti fyrst athygli með liði Porto en hann var áður á mála hjá smáliði Fintas í heimalandinu.

Dalot yfirgaf lið Fintas þegar hann var níu ára gamall en hefur ávallt haldið sterku sambandi við félagið.

Í dag er nú greint frá því að Dalot hafi gert sínu fyrrum félagi greiða eftir að hafa fengið vel borgað á Englandi í nokkra mánuði.

Dalot ákvað að kaupa liðsrútu fyrir skólaliðið sem mun án efa koma sér gríðarlega vel á næstu árum.

Dalot er aðeins 19 ára gamall en hann kostaði United 19 milljónir punda frá Porto í sumar.

Hann er að sjá peninga eins og hann hefur aldrei séð þá áður en laun hans hækkuðu gríðarlega eftir skiptin.