Georg­inio Wijnaldum, miðjumaður Li­verpool, var bannað að gista á hóteli liðsins á föstudag. Ástæðan var upp og niðurgangur sem kappinn átti við.

Þessi öflugi hollenski miðjumaður hafði verið að glíma við meiðsli í hné. Hann hafði misst út leik en ætlaði að reyna að spila gegn Bournemouth.

Læknir Liverpool gaf Wijn­ald­um lyf til að reyna að laga verkinn í hnénu, hann vissi að það gæti farið illa.

,,Ég fékk lyf frá lækni okkar út af meiðslum í hné, ég vissi að það væri möguleiki á að maginn færi á hvolf. Ég endaði með því að gubba og æfði ekki á föstudeginum, ég mátti svo ekki sofa á hóteli liðsins, „sagði Wijnaldum eftir sigurinn á Bournemouth.

Wijn­ald­um spilaði leikinn og var frábær í honum, hann toppaði góða frammstiöðu með laglegu marki.

,,Jurgen Klopp hringdi í mig á morgni leikdags og spurðu um stöðuna, ég sagðist ætla að reyna að sleppa. Ég var slappur á leikdegi, niðurangur var að plaga mig. Ég fékk lyf til að stoppa það, ég þurfti hins vegar að spretta á klósettið í hálfleik og losa.“