,Þetta er mjög sterkt umboð og viðurkenning á mínum og okkar störfum, bara stjórnarinnar. Ég er mjög sáttur og gott að vinna afgerandi sigur,“ sagði Guðni Bergsson eftir að hann var endurkjörinn formaður KSÍ í gær.
Guðni gjörsigraði Geir Þorsteinsson sem bauð sig fram gegn honum, Guðni fékk 119 atkvæði en Geir 26. Stórsigur.
Bergur Guðnason, sonur Guðna er eðlilega stoltur af pabba sínum enda sigurinn stór og mikill. Hart var gengið að honum í kosningabaráttunni og þurfti hann að hafa fyrir því að halda starfinu.
,,Hvert eitt og einasta kvöldið í 35 daga höfum við talað saman á FaceTime og rætt kjörið fram og til baka,“ skrifar Bergur.
Honum var stundum misboði um hvernig umræðan var. ,,Stundum gat ég pirrað mig á einstökum neikvæðum commentum frá fólki en alltaf varst þú jákvæðastur af öllum í fjölskyldunni.“
Bergur er eðlilega ekki hlutlaus í máli sínu en segir. ,,Þú ert minn besti vinur, það er ekki hægt að finna betri aðila fyrir íslenska knattspyrnu.“
— Bergur Guðnason (@bergurgudna) February 10, 2019
